Núðlusalat með grilluðum tígrisrækjum

Sumarlegt og ákaflega einfalt salat fyrir tvo.

Þú þarft:

Marinering/sósa

1 dl olía

2 msk sweet chili sósa

2 tsk red curry paste

3 msk soya sósa

2 msk hunang

Aðferð: Öllu hrært vel saman og blöndunni skipt til helminga í skál og í pott, rækjur settar í skálina og látnar marinerast í amk 30 mín (gott að hafa yfir nótt inni í ísskáp) restin fer í lítinn pott, bætt við 1 msk af hunangi og 2 msk kókosmjólk. Sósan látin malla við vægan hita í 5 mín og pipruð eftir smekk, látin kólna og borin fram með salatinu.

Rækjur eru þræddar á grillspjót (muna að bleyta spjótin vel) og grillaðar á háum hita, sirca 1,5 mínúta á hvorri hlið en það fer eftir stærð rækjunar.

Núðlur eru þurrsteiktar á pönnu og restin af hráefnunum skorin eftir smekk. Svo er bara að setja þetta á fallegan disk og njóta!

Föstudags Quesadilla

Ef þú kannt að meta Mexíkanskan mat þá mæli ég með þessari. Einföld, fljótleg og svakalega góð með ísköldum Corona.

Þessi uppskrift ætti að duga fyrir 6 og í hana fer:

• 1,5 dl hýðishrísgrjón
• 4 kjúklingabringur
• 1 chilli
• 1 poki rifinn ostur
• 4-5 tómatar
• 1 blaðlaukur
• 1 hvítlauksrif
• 1 græn papríka
• 1 rauðlaukur
• 12 tortilla pönnukökur
• 1 dós maís
• 2 avókadó
• Guacamole dip mix frá santa maria
• Organic taco spice mix frá santa maria
• Hrásykur

Aðferð:

1. Byrja á að sjóða hýðishrísgrjón eftir leiðbeiningum

2. Útbúa salsa sósuna. Í hana fer:

- 4-5 tómatar (ég notaði reyndar eitt box af kirsuberjatómötum í kvöld)

- 1/3 af rauðum chilli

- 1/2 hvítlauksrif (það má nota meira, ég er bara ekki hrifin af of miklu hvítlauksbragði)

- 2cm blaðlaukur (bæði hvíti og græni parturinn, semsagt 1 cm af hvoru)

- 1 tsk hrásykur

Allt sett í blandara eða mixer. Sósan er geymd inní ísskáp þar til hún er borin fram.

3. Skera kjúkling í litla bita og steikja uppúr olíu og Organic taco spice mix kryddinu. Ég prufaði þetta krydd í fyrsta skipti og var mjög hrifin, magnið fer eftir smekk. Kjúklingurinn er svo settur til hliðar.
4. Skera papríku og rauðlauk í strimla, steikja á pönnu uppúr olíu. Pipra og láta malla þar til grænmetið byrjar að mýkjast

5.Hafa pönnukökurnar klárar, raða ost, grjónum, kjúkling, maís, papríku/rauðlauk og smá salsa sósu. Að lokum er ostur settur yfir áður en seinni pönnukakan er sett ofaná.
6. Þetta má bæði setja í grill eða í ofninn. í sirca 5 mínútur eða þar til osturinn hefur bráðnað.

7. Á meðan að quesadillað er að hitna er tilvalið að stappa saman tvö avókadó og krydda örlítið með guacamole dip mix. Magnið fer eftir smekk. Svo er gott að hræra aðeins sýrðan rjóma til að bera fram með.

xox

Emmý

Granateplasalat- uppskrift

Held það sé tilvalið að blogga um uppskriftina sem birtist í mogganum sl. sunnudag. Ef þig vantar hugmynd af ferskum kvöldverði þá mæli ég með þessu, tekur enga stund og mér fannst þetta æði. Uppskriftin er fyrir 3-4.

Innkaupalistinn fyrir þessa uppskrift er svohljóðandi:

Chilli

Hvítlaukur

Engiferrót

Sítróna

Avókadó

Kál (150 gr, ég nota allt nema iceberg)

Perur

Olía

Dijon sinnep

Hunang

Hvítvínsedik

Granatepli

Möndlur

Parmesan ostur

Kjúklingabringur

1.Það er best að byrja á marineringunni fyrir 2 kjúklingabringur. Í hana fer:

• 1/2 chilli, ég notaði fræin og mér fannst það passlega sterkt, ef þeim er sleppt verður rétturinn mildari.
• 1 hvítlauksrif
• 2 cm engiferrót
• 1 msk olía

Þetta er allt sett í matvinnsluvél og maukað, kjúklingurinn er  skorinn í strimla eða teninga og látinn standa inní ísskáp í 2 tíma (má vera lengur, mjög gott ef þetta er gert kvöldið áður).

2. Næst á dagskrá er dressingin, í hana fer:

• 1 lítið hvítlauksrif (mér finnst ekki gott að hafa of mikið hvítlauksbragð og því notaði ég lítið rif, ef þið eruð mikið fyrir hvítlaukinn, eða eruð kvefuð þá má alveg setja meira)
• 1 til 2 tsk hunang (gott að smakka sig til)
• 1 msk hvítvínsedik
• 5 msk ólífuolía
• 1/2 tsk dijon sinnep
• 1 msk ferskur sítrónusafi
• salt og pipar eftir smekk

Þetta er hrært saman og látið vera inní ísskáp þar til salatið er borið fram.

3. Þá eru perurnar afhýddar og soðnar í sirca 20 mínútur með 4 cm engiferbút, þá eru þær látnar kólna, kjarnhreinsaðar og skornar í sneiðar.

4. Næst eru það möndlurnar, ég notaði möndlur með hýði og ristaði þær á pönnu þar til að ég fann góða möndlulykt. þá skar ég þær gróft niður og hafði þær til hliðar þar til ég raðaði upp salatinu.

5. Þá er kjúklingurinn steiktur á pönnu uppúr smá olíu og látinn kólna aðeins.

6. Svo er bara að skera niður avókadó, þvo kálið og raða salatinu fallega uppá disk eða í skál. Ég setti það í þessari röð:

   kál, kjúklingur, avókadó, perur, fræ úr einu granatepli, möndlur og að lokum sneiddi ég parmesan ost yfir með ostaskera.

Ég læt fylgja með myndband um hvernig má hreinsa fræin úr granatepli, HÉR  getur þú séð það. Svo er nauðsynlegt að bera þetta fram með góðu brauði.

xox

Emmý

Butter Chicken & Lauk Bhaji

Það var smá indversk veisla hérna á Asparskógunum í gær og ég má til með að gefa ykkur tvær nýjar uppskriftir í indverska dálkinn. Þær eru Butter chicken og Onion Bhaji.

Butter chicken

Það er best að byrja á að hafa allt hráefnið tilbúið. Mæla kryddin, skera tómata, skera lauk, raspa engifer, pressa hvítlauk, mæla olíuna og mjólkina.

Þegar að þetta er allt saman klárt skaltu setja smjör og olíu á pönnu (1 msk smjör og 3 msk olía) og steikja laukinn. Það verður að steikja hann á lágum hita (ég hafði hellurna stillta á 4 af 9) í dágóðan tíma. Hugsa að þetta hafi tekið um 10 mínutur þar til hann varð mjúkur og örlítið gylltur.

Þá er engiferrót, hvítlauk,kóríander, chilli, túrmeriki og salti bætt við og hitinn hækkaður örlítið. Þetta er steikt í 1-2 mínútur eða þar til að lyktin verður svo dásamleg að þig langar til að fara að grenja úr hamingju

Þegar að krydd/lauk blandan er tilbúin bætiru við tómat og tómatpúrru og heldur áfram að steikja í nákvæmlega 1 mínútu í viðbót

Næst er kjúklingabitunum og mjólkinni hent í pottinn og öllu blandað vel saman. Þetta er látið malla í 10 mínútur sirca eða þar til kjúklingurinn er eldaður. Það fer að sjálfsögðu eftir því hversu stórir bitarnir eru hversu langann tíma þetta tekur svo það er um að gera að fylgjast með þessu.

Ef þú hefur nægann tíma þá er lang best að láta réttinn standa í pottinum í nokkra klukkutíma og rétt áður en þú berð hann fram er hann hitaður aftur, garam masala og cashwe hnetu paste i bætt samanvið og látið hitna (alls ekki sjóða). En ef þú ert að gera þetta í flýti þá seturu að sjálfsögðu kryddið og paste ið bara strax í.

Innkaupalisti fyrir Butter Chicken (fyrir 4 og afganga daginn eftir)

smjör
olía

1 kg kjúklingabringur
1 hótellaukur
1 tómatpúrra
1 meðalstór tómatur
2 hvítlauksrif
1 tsk röspuð engiferrót
2 tsk kóríander krydd
1,5 tsk chilli krydd
2 tsk garam masala
1 tsk turmeric
2 dl mjólk
4 tsk cashew hnetu paste (hneturnar látnar liggja í bleyti í 10 mín og svo maukaðar í matvinnsluvél)
salt og pipar eftir smekk
ferskur kóríander til skrauts

Lauk Bhaji

Ég byrjaði á að blanda hveiti, lyftidufti, chilli kryddi, turmeric, cumin og kóríander í skal og blandaði því saman. Næst bætti ég við 250 ml af vatni og hrærði saman.

Næst skar ég 1 hótellauk í strimla og hrærði saman við deigið

Laukarnir eru djúpsteiktir uppúr olíu (ég setti um 500 ml í lítinn pott og steikti lítið í einu og oftar því ég týmdi ekki meiri olíu í þetta)

Ég tók sirca eina msk af lauknum og setti varlega í pottinn þegar að olían var orðin mátulega heit (ég hafði helluna stillta á 6 af 9 og það var fullkomið hitastig) Laukurinn á það til að detta á botninn í pottinum svo það þarf að passa að losa hann eftir smá stund. Þetta er steikt í sirca mínútu eða þar til laukurinn verður fallega gylltur, þá er hann lagður á eldhúsbréf í svo borinn fram.

Það er unaður að strá smá salti og ferskum kóríander yfir áður en þetta er borið fram

Innkaupalisti fyrir Lauk Bhaji

1 hótellaukur
200 gr hveiti
1 tsk lyftiduft
1 tsk chilli krydd
1 tsk turmeric
1 tsk cumin
1 tsk kóríander krydd
salt
250 ml vatn
Ferskur kóríander til skrauts

Með þessu gerði ég svo grjón, raita sósu, naan brauð og uppáhalds kartöflurnar mínar. Allar uppskriftirnar finnur þú HÉR

* Eftir að ég flutti heim hef ég verið að venjast því að nota aftur íslenskt hráefni en maður var orðin ansi vanur þessu hollenska. Eftir að hafa prufað mig áfram hef ég komist að þeirri niðurstöðu að forsoðnu kartöflurnar frá Allra henta best í kartöfluréttinn. Það þarf bara að þurrka þær aðeins áður en maður steikir þær uppúr karrýolíunni.

Góða helgi

Emmý

Túnfiskpasta upgrade

Þetta spaghetti sameinar þrjá hluti sem ég elska afar heitt. Ítalska heimatilbúna tómatsósu, túnfisk og spaghetti.

Þessi uppskrift ætti auðveldlega að duga fyrir 4 og í hana þarftu:

- 12 tómata
- 1 lauk
- 2 hvítlauksrif
- 1 chilli
- 1 rauða papríku
- 4 meðalstórar gulrætur
- 1/2 sellerístöngul
- 1/2 kúrbít
- 2 túnfiskdósir (í olíu)
- 1 dós af tómatpúrru
- handfylli af ferskri basilikku
- 500 gr spaghetti
- salt og pipar

Byrjaði á að mynda þessa gullfallegu tómata, ég meina þessi litur er to die for

Eftir myndatökuna sauð ég vatn í potti og skar X í alla tómatana

Sauð tómatana í 1 mínútu

og setti þá svo í klakavatn og lét þá kólna.

Hér er grænmetið sem ég notaði (- rauðlaukurinn en hann passaði bara svo vel inní þessa mynd)

Skar niður laukinn og chilli-ið og kramdi svo hvítlaukinn. Þetta hitaði ég á pönnu með nóg af olíu í örugglega 6 mínútur eða þar til að laukurinn varð örlítið gegnsær

Næst á dagskrá var að skera niður papríku, gulrætur og selleríið. Ég skar þetta  mátulega smátt en passaði mig á að hafa selleríið smátt skorið, mér finnst nefninlega ógeðslegt að fá risastóra sellerí bita uppí mig.

Þegar að laukurinn var klár bætti ég við gulrótum, sellerí og papríku og steikti á pönnu þar til að þetta fór að mýkjast (líklegast um 5 mín)

saltaði

Á meðan að þetta mallaði tók ég hýðið af tómötunum sem voru orðnir mátulega kaldir. Hýðið ætti að renna mjög auðveldlega af. Eftir að þeir eru afhýddir er tvennt í stöðunni. Annaðhvort að vera mjög pen/penn og hreinsa fræin í burtu með skeið og skera svo kjötið í bita eða að nota guðsgafflana. Ég valdi síðari kostinn og kreysti bara tómatana. Það sem ég vildi var að ná þessu hvíta/harða inní tómatinum og svo notaði ég restina í sósuna.

Hrærði tómötunum og tómatpúrrunni saman við og lét þetta malla á lágum hita í 20 mínútur

passa bara að hræra á sirca 5 mínútna fresti

Skera basilikkuna

Þá bætti ég við kúrbítnum, túnfisknum og basilikkunni og lét malla í aðrar 10-15 mínútur

Á meðan að sósan mallar er tilvalið að sjóða spaghettíið, ég læt suðuna koma upp, bæti við smá olíu og salti og sýð svo spaghettíið í 10 mínútur.

Voila

Það þarf náttúrulega ekki að taka það fram að það á að bera þetta fram með rauðvíni og parmesan osti.

Emmý

Indverskur grjónagrautur

Ég bauð uppá grjónagraut með indversku twisti í kvöld og hann heppnaðist svo vel að hann kláraðist allur

Ég veit fátt betra en góðan grjónagraut, það hefur verið einn af mínum uppáhalds réttum síðan að ég var lítil og ég verð sérstaklega sjúk í hann þegar að kólnar í veðri. Þegar að ég áttaði mig á því að það var snjór úti var ekkert annað í boði en góður grjónagrautur í kvöldmatinn. 

Það eiga sér örugglega allir uppáhalds grjónagrauts uppskrift en ég lofa að þið verðið ekki fyrir vonbrigðum með þessa. Hún dugði akkúrat fyrir okkur fjölskylduna ( 2 fullorðnir og 1 dreki)
Í hana þarf:

3 dl grjón
6 dl vatn
6 dl mjólk
1,5 dl rjóma
2 msk sykur
1 vanillustöng
1 tsk kardimommur
smá salt
rúsínur

Byrjað er á að setja grjónin, smá salt og vatnið í pott og láta suðuna koma upp. Lykillinn að góðum grjónagraut (að mínu mati) er að gefa sér tíma í hann og elda hann frekar á vægum hita. Þessvegna hrærði ég sérstaklega vel í þessum og leyfði honum að malla í vatninu og saltinu þar til vatnið var orðið mjög lítið í pottinum, þá bætti ég við 2 dl af mjólk og lét hann malla áfram, ég gerði þetta semsagt þrisvar sinnum. þ.e lét hann verða mjög þykkann og bætti þá við 2 dl af mjólk.

Þetta er sirca þykktin sem ég leitaðist eftir áður en ég bætti við mjólk

Þá blandaði ég saman sykri, vanillu og kardimommu í skál og setti til hliðar

Þegar að mjólkin var búin og grauturinn orðinn vel þykkur setti ég rúsínur (algert smekksatriði hversu mikið), vanillu, sykur og kardimommur við grautinn og hrærði aðeins. Bætti þá við rjómanum og hækkaði aðeins undir honum og lét hann malla þar til hann varð aftur þykkur.

Mæli með að prufa þennan, hann var alveg mátulega sætur fannst mér en það er eflaust hægt að strá smá kanilsykri yfir hann. Mér finnst hann svo bestur með ískaldri mjólk og lifrapylsu on the side.

Emmý