Ananas & Kókos búst

Ég þurfti sárnauðsynlega á einum svona að halda í dag

Í hann fór:
2 lúkur spínat
1/2 lime
1/2 gúrka
1 bolli frosin ananas
1 avókado
1 lúka möndlur
250ml hreint kókosvatn

Ég lét möndlurnar liggja í bleyti (best ef hægt er að láta þær liggja yfir nótt) og byrjaði á að blanda þeim saman við kókosvatnið (lét blandarann ganga í mínútu sirca) svo var restinni bætt við, vökvamagnið er að sjálfsögðu smekksatriði. Ég skreytti hann svo með grófum kókosflögum sem eru í miklu uppáhaldi þessa dagana.

*Þetta fór í tvö 300ml glös*

Buddubrunch og mánudagsboozt

 Byrjum á booztinum sem ég gerði í morgun. Ég myndi segja að hann væri fyrir lengra komna en dásamlega góður og saðsamur engu að síður. 

Byrjaði á að gera safa, ég á í svo miklu ástar/haturs sambandi við safapressuna mína. Ég elska hana útaf lífinu en guð hvað mér finnst leiðinlegt að þrífa hana. Þetta tekur samt enga stund og í safann fór:

1/2 gúrka

1 lime

2 lítil epli

3 sellerístönglar

Grænkál (þetta er smekksatriði, grænkálið er frekar bragðmikið en það kemur lítill safi, ég tók blöðin af 3 stönglum og mér fannst það mjög mátulegt)

Á meðan að ég var að pressa lét ég möndlumjólk blandast, hún var svo þykk hjá mér að þetta var varla mjólk en í það fór

1 dl möndlur (sem voru búnar að vera í bleyti í 2 daga)

3 döðlur

1 dl vatn

Næst blandaði ég

Safanum

1/4 af gulri melónu

2 avókadóum

nóg af klökum

við möndlumjólkina, blandaði öllu saman og úr varð þessi gúrme, þykki ljósgræni drykkur

Þetta var nóg í tvö svona glös 

Annars fór ég í buddubrunch hjá Siggu í gær. Við tókum upp þann sið að hafa alltaf brunch einu sinni í mánuði og ég mæli sterklega með þessu. Það er alltaf jafn gaman og tíminn flýgur. Langaði að deila með ykkur nokkrum myndum

María og Gunnþórunn

Heimsins besta sultu/chutney sem ég hef smakkað. Tengdamamma Siggu býr það til úr chilli og rabbabara

Jón Jökull var ekkert að stressa sig

Glæsileg hostess

Nína

Yndislegur

Ágúst Þór dásamlegur

Meistaradrykkur

Í tilefni oktobermánaðar, nánar tiltekið meistaramánaðar gerði ég meistaradrykk/boozt í morgun og myndaði hann í bak og fyrir (það eru allir á facebookinu mínu svo duglegir að setja inn myndir af dugnaðinum að ég varð eiginlega að gera það líka)

Ég byrjaði að gera drykkinn kvöldið áður, þá lagði ég möndlur í bleyti eftir að hafa horft á innskot á mbl.is með Jóhönnu Vilhjálms ákvað ég að nota möndlumjólk sem grunninn í drykknum, HÉR geti þið séð hversu auðvelt það er að útbúa svoleiðis. Ég notaði hálfan bolla af möndlum og tvo bolla af vatni því ég vildi hafa hana þykka.

Ég skutlaði drekanum til dagmömmu í morgun og dró svo fram tvær uppáhalds eldhúsgræjurnar mínar... safapressuna og blandarann. Næst skar ég niður eftirfarandi:

1/4 af litlum rauðkálshaus
2 plómur
1 appelsínu
1/2 gúrku
1 öskju af bláberum (þurfti reyndar ekki að skera þau)

B-E-A-U-T-I-F-U-L

hráefnið sem fór í safann

Byrjaði á að pressa rauðkálið til þess eins að njóta þess að horfa á þennan fjólubláa lit

Næst setti ég bláberin í gegn og liturinn varð enn fallegri

Renndi restinni af hráefnunum í gegn og setti þetta allt saman við möndlumjólkina í blandarann. Bætti við
1 banana
1 tsk kókosolíu
1 bolla af frosnum berjum
Klökum

Þetta varð lokaútkoman, ég gerði vel af drykknum og fór með einn skammt til mömmu. Ég hugsa að þetta myndi auðveldlega duga fyrir 3-4

Kaupi þessi glös í bónus og ég elska þau

Emmý

Grænkáls boozt og íspinnar

Ég sá svo fagur grænt og girnilegt lífrænt ræktað grænkál frá Sólheimum í Krónunni að ég varð að búa til boozt, hann var mjög saðsamur og ljúffengur.

Í hann fór:

klakar
1/2 box bláber
1/2 appelsína
1 stórt grænkálsblað
hreinn ananassafi
3 msk vanilluskyr
20 vínber
1 banani

Þetta fyllir auðveldlega þrjú glös

Svo er drekinn minn að fá framtennur, ein komin og næsta á leiðinni.. hann slefar eftir því og klægjar mikið. Því fannst mér tilvalið að gera frostpinna sem að kæla auma góma og ég nýtti  afganga af boozt hráefninu í þessa...

1/2 box bláber
10 vínber
1/2 appelsína
smá grænkál
1 msk skyr
1 msk hreinn ananassafi

Setti þetta í sniðug ísform sem ég fékk í IKEA (uppskriftin passaði akkúrat í 6) og nú bíður þetta inní frysti.

xox

Emmý

Mangó-Bláberja-Sítrónu Boozt

Byrjaði daginn á þessum...

2 Glös

300-400 ml bláberjasafi

1 mangó

1 lúka fersk bláber

1 lúka frosin bláber

2 lúkur spínat

safi úr 1 sítrónu

klakar

Nú hefjast maraþon skrif á Vegelins

xox

Emmý

Sellerí og hindberja boozt

Ég hef verið fáránlega löt í boost gerð undanfarið og ákvað að bæta úr því í dag. Ég byrjaði að sækja uppáhalds eldhúsgræjuna mína en það er safapressan, hún hefur verið í smá hvíld greyið en nú er ekki aftur snúið. Gerði mér semsagt fyrst safa (frekar mikinn safa) þetta voru sirca 600ml.

 Ég myndaði booztinn áður en ég blandaði banananum og hindberjunum við, einfaldlega vegna þess að ég vissi að hann yrði ljótur á litinn, sem hann svo varð

Innihald

3 appelsínur

2 epli

2 sellerístönglar

125 gr hindber

1 banani

2 lúkur spínat

5 klakar

2 msk hörfræ

Aðferð
Bjó til safa úr 2 eplum, 3 appelsínum og 2 sellerístönglum í safapressu

Setti safann, spínat, hörfræ, banana, klaka og hindber í blandara þangað til að þetta var orðið smooth

Hann var mjög góður og pínu öðruvísi, sellerí-ið kryddar hann sem ég var ánægð með.

Ég er komin í boozt átak

xox

Emmý

Berja & Ananas boozt

Ég var óendanlega þreytt þegar að ég vaknaði í morgun, það var ennþá stormur og íbúar hérna á Vegelins mis ánægðir með það. Þannig að ég þurfti á virkilega súrum boozt að halda til að vekja mig

100 ml af appelsínusafa

safi úr hálfri sítrónu

hálf lúka fersk trönuber

6 ananas bitar (held að það sé svona 1/4 af heilum ananas)

hálf lúka frosin hindber

klakar

hörfræ

chia fræ

spínat

Ananas, berin, safinn, klakinn og fræin mixuð vel saman og svo bætti ég við spínatinu

 Hann var mjög súr og snarvirkaði

xox

Emmý

Ananas & Bláberja Boozt

Mæli með því að þið prufið þennan í fyrramálið, gleymdi að skrifa inná myndina að ég set tvær lúkur af spínati í þennan og þetta ætti að duga rúmlega í tvö glös

xox

Emmý

Melónu boozt

Boozt fyrir tvo, mjög sumarlegur og ferskur.

Þar sem að það er föstudagur í dag væri ekki vitlaust að henda einu vodka skoti útí, örugglega fínasti kokteill.

Bleikur fyrir spínat. Myglu grænn eftir spínat

xox

Emmý

Allt er vænt sem vel er grænt

Mjög svo grænn og góður boozt

5cm engiferrót

hálft grænt epli

1/6 ferskur ananas

100ml nýkreistur appelsínusafi

1 msk hörfræ

handfylli spínat

klakar

xox

Emmý

Boozt

Ef þú ert vinur minn eða vinkona á facebook þá hefur þú eflaust tekið eftir því að ég hef mikinn áhuga á boozt drykkjum. Ég geri mér nánast undantekningalaust boozt á morgnanna (nema þegar að ég þarf að vakna klukkan sjö, mér finnst það persónulega of snemmt fyrir hljóðin í blandaranum mínum). Þegar að ég er í stuði þá tek ég líka myndir af herlegheitunum..

Í þennan fjólubláa drykk fór eftirfarandi:

- 80-100 ml af lífrænum berjasafa

- nokkrir klakar

-ein lúka af frosnum bláberjum

- örlítið af frosnu mangó

- 1 msk hörfræ

- 1 msk chia fræ

- 1 msk kókosolía (með kókosbragði)

- 1/2 tsk spírulína

- rúmlega ein lúka af spínati

Ég ven mig á að hafa alltaf spínat, hörfræ og kókosolíu í booztunum mínum, svo set ég af og til chia fræ eða spírulínu með...

Mæli með að þið prufið, þetta er allt voðalega flókið í byrjun en maður er fljótur að koma sér upp rútínu 

xox

Emmý