28. desember

Ég er í jólafríi og ég elska það. Ég elska það svo mikið að ég ákvað að opna mér hvítvínsflösku og skella í nýja Cupcakes uppskrift...

Fyrsta skrefið er semsagt að opna hvítvínsflösku

Og helst setja hvítvínið í rauðvínsglas, bara ef þú ert í fríi...

Bjó til vanillu/rjómaosta/kókos cupcakes..hér er uppskriftin:

150 gr smjör

170 gr sykur

2 egg

240 gr hveiti

1 tsk lyftiduft

100 ml kókosmjólk

2 tsk vanilludropar

2 tsk sýrður rjómi

(Smjör og sykur hrært saman, eggjum og vanilludropum bætt við, helming af hveiti, lyftidufti, kókosmjólk og sýrðum rjóma bætt við og hrært aðeins. Svo er restinni af hráefnunum bætt við og sett í 12 cupcakes form)

Ég setti svo eina tsk af rjómaosti ofan á deigið

Bjó til krem sem að tekur laaaaangann tíma að gera (hvítvínið reddar manni samt)  Uppskriftina finnur þú HÉR en í staðinn fyrir bláberjamauk hrærði ég saman hálfa dós af niðursoðnum jarðaberjum

Kökurnar ný komnar úr ofninum

Ég dýfði svo kökunum í safann úr jarðaberjunum

Á morgun fæ ég svo tengdafjölskyldu mína í heimsókn og ég er orðin nokkuð spennt...

xox

Emmý

Desember Demi

Veit ekki hver kenndi henni að pósa...

Ýtið endilega á myndina til að sjá betri upplausn

xox

Emmý

Bryndís Ottesen

Við systurnar fórum í smá myndatöku í dag, drógum Þóru Jóns með okkur og hún stóð sig prýðilega sem aðstoðarmaður. Hér er afraksturinn...

Hefði svosem ekkert á móti því að fara á 2. í jólum ball í kvöld en ég hef það huggulegt með photoshop og hvítvínsglas hérna á Burgemeester

xox

Emmý

Jól á Burgemeester

Ég viðurkenni að það var skrýtið að vera ekki í Jörundarholtinu á aðfangadag en við höfðum það virkilega gott saman krúið á Burgemeester. Borðuðum Bamba.. eða dádýr held ég að það heiti og það var ljúffengt. Einnig gerði ég í fyrsta skipti Ris a la mande og mun hér með taka það að mér (búin að láta ömmu Tan vita)

Jólapar

Bjarki gerði salat ala Dóra Björk

Demi sem vann möndluna

Spenntar jólasystur

Steikin og borðið hjá Þóru Jóns

Jólabarn og pakkaflóð

Krissýlicious

Á leið í jólaboð í 12 stiga hita

Jólakveðjur

xox

Emmý

Þorlákur

Ég trúi ekki hvað tíminn líður hratt. Í gær var ég í skólanum og í dag er Þorláksmessa.

Þessi jólaskvísa beið mín þegar að ég kom á Burgemeester í dag.. ég held það gerist ekki mikið krúttlegra

Systurnar gáfu sér smá tíma í að pósa áður en við fórum og sóttum týndu systirina útá flugvöll

Kíktum niðrí bæ í smá þorláksmessu bjór og mat

Vesen á bloggaranum

LOKSINS er Dísin okkar komin

xox

Emmý

Jólarómans á Vegelins

Fyrir áhugasama tók ég mynd af kvöldmatnum, ég lofa að bloggin verða mun skemmtilegri frá og með morgundeginum því þá er ég komin í JÓLAFRÍ. 

Það var smá jólarómans á Vegelins í kvöld. Eldaði steik með sætri kartöflumús og grænmeti, það vakti mikla lukku hjá prinsinum. Þetta var mjög einfalt og ég elska kartöflumúsina þótt ég segi sjálf frá, var að gera hana í fyrsta skipti.

Baunir steiktar uppúr smá olíu og hvítlauk, bætti svo við rauðlauk síðustu 4-5 mínúturnar

Kartöflumúsin var mjög einföld. sauð sætar kartöflur og venjulegar kartöflur (sirca 70% sætar og 30% venjulegar) stappaði þær svo saman við smá smjör, mjólk, salt og pipar

Prinsinn og jólasveinarnir á Vegelins

Nú ætla ég að klára síðustu ritgerðina fyrir jól og enda þessa færslu með nokkrum jólamyndum úr cribinu

xox

Emmý