Aspassúpa

Nú er aspas season í Hollandi svo mamma ákvað að gera aspas-súpu sem var delicious!

Í súpuna fór eftirfarandi:

10 stk. hvítur ferskur aspas

10 stk. grænn ferskur aspas

1 laukur

1 lítið hvítlauksrif

1/2 ltr kjúklingasoð

1/2 bolli hvítvín

4-5 forsoðnar kartöflur

salt & pipar

smjör

1/2 ltr rjómi

sellerí

Aðferð:

1. Hvíti aspasinn hreinsaður

2. Topparnir skornir af aspasnum og settir til hliðar

3. Laukurinn og hvítlaukurinn saxaður og steiktur uppúr smjöri

4. Aspas bætt útí og létt steiktur

5. Kjúklingasoðinu og hvítvíninu hellt útí

6. Saltað og piprað

7. Kartöflur skornar í bita og settar útí

8. Látið sjóða í 20 mínútur

Svona leit blandan út

9. Allt maukað með töfrasprota

10. Smjörbolla búin til

11. Súpan bökuð upp með aspasblöndunni og rjómanum

12. Topparnir soðnir í létt söltuðu vatni í 5 mínútur

Topparnir soðnir

13. Toppunum bætt útí og súpan soðin í 5-10 mínútur í viðbót

14. Salta og pipra eftir smekk og bæta við dassi af púrtvíni

Súpan borin fram með smá þeyttum rjóma, hvítlauksbrauði, og skreytt með sellerí

Glimrandi góð alveg hreint

xox

Emmý