Aníta Ríkey

Þessi litla vinkona mín er eins árs í dag. Drekamömmunni leiddist ekki að fá að taka svona sykursætar og bleikar myndir af henni 

Emmý

Túnfiskpasta upgrade

Þetta spaghetti sameinar þrjá hluti sem ég elska afar heitt. Ítalska heimatilbúna tómatsósu, túnfisk og spaghetti.

Þessi uppskrift ætti auðveldlega að duga fyrir 4 og í hana þarftu:

- 12 tómata
- 1 lauk
- 2 hvítlauksrif
- 1 chilli
- 1 rauða papríku
- 4 meðalstórar gulrætur
- 1/2 sellerístöngul
- 1/2 kúrbít
- 2 túnfiskdósir (í olíu)
- 1 dós af tómatpúrru
- handfylli af ferskri basilikku
- 500 gr spaghetti
- salt og pipar

Byrjaði á að mynda þessa gullfallegu tómata, ég meina þessi litur er to die for

Eftir myndatökuna sauð ég vatn í potti og skar X í alla tómatana

Sauð tómatana í 1 mínútu

og setti þá svo í klakavatn og lét þá kólna.

Hér er grænmetið sem ég notaði (- rauðlaukurinn en hann passaði bara svo vel inní þessa mynd)

Skar niður laukinn og chilli-ið og kramdi svo hvítlaukinn. Þetta hitaði ég á pönnu með nóg af olíu í örugglega 6 mínútur eða þar til að laukurinn varð örlítið gegnsær

Næst á dagskrá var að skera niður papríku, gulrætur og selleríið. Ég skar þetta  mátulega smátt en passaði mig á að hafa selleríið smátt skorið, mér finnst nefninlega ógeðslegt að fá risastóra sellerí bita uppí mig.

Þegar að laukurinn var klár bætti ég við gulrótum, sellerí og papríku og steikti á pönnu þar til að þetta fór að mýkjast (líklegast um 5 mín)

saltaði

Á meðan að þetta mallaði tók ég hýðið af tómötunum sem voru orðnir mátulega kaldir. Hýðið ætti að renna mjög auðveldlega af. Eftir að þeir eru afhýddir er tvennt í stöðunni. Annaðhvort að vera mjög pen/penn og hreinsa fræin í burtu með skeið og skera svo kjötið í bita eða að nota guðsgafflana. Ég valdi síðari kostinn og kreysti bara tómatana. Það sem ég vildi var að ná þessu hvíta/harða inní tómatinum og svo notaði ég restina í sósuna.

Hrærði tómötunum og tómatpúrrunni saman við og lét þetta malla á lágum hita í 20 mínútur

passa bara að hræra á sirca 5 mínútna fresti

Skera basilikkuna

Þá bætti ég við kúrbítnum, túnfisknum og basilikkunni og lét malla í aðrar 10-15 mínútur

Á meðan að sósan mallar er tilvalið að sjóða spaghettíið, ég læt suðuna koma upp, bæti við smá olíu og salti og sýð svo spaghettíið í 10 mínútur.

Voila

Það þarf náttúrulega ekki að taka það fram að það á að bera þetta fram með rauðvíni og parmesan osti.

Emmý

Að mistakast í eldhúsinu

Í fyrsta skipti gerði ég boozt sem ég gat án alls gríns ekki drukkið...

Hvernig getur svona fallegur ávöxtur valdið manni vonbrigðum? Ég pressaði semsagt tvö grape og herregud safinn var beiskur. Næst þegar að ég nota þetta hráefni ætla ég að hafa sykur og gin á hliðarlínunni og búa til einhvern góðan kokteil.

Emmý

Hádegis klassík

Þetta er svo einfalt og svo óskaplega gott... Gamla góða eggjabrauðið sem ég lærði að gera í matreiðslu í 6.bekk.

Ég borða mitt með chillisósu en ég er að hugsa um að pimpa þessa "uppskrift" aðeins og gera svo gott eggjablogg á næstunni, ég nefninlega elska egg og vildi bara minna ykkur á þennan líka dýrindis rétt

Emmý

ps. svo ætla ég að gera mér ógeðslega stórann latté í eftirrétt, nauðsynlegt á þessum fína föstudegi

Indverskur grjónagrautur

Ég bauð uppá grjónagraut með indversku twisti í kvöld og hann heppnaðist svo vel að hann kláraðist allur

Ég veit fátt betra en góðan grjónagraut, það hefur verið einn af mínum uppáhalds réttum síðan að ég var lítil og ég verð sérstaklega sjúk í hann þegar að kólnar í veðri. Þegar að ég áttaði mig á því að það var snjór úti var ekkert annað í boði en góður grjónagrautur í kvöldmatinn. 

Það eiga sér örugglega allir uppáhalds grjónagrauts uppskrift en ég lofa að þið verðið ekki fyrir vonbrigðum með þessa. Hún dugði akkúrat fyrir okkur fjölskylduna ( 2 fullorðnir og 1 dreki)
Í hana þarf:

3 dl grjón
6 dl vatn
6 dl mjólk
1,5 dl rjóma
2 msk sykur
1 vanillustöng
1 tsk kardimommur
smá salt
rúsínur

Byrjað er á að setja grjónin, smá salt og vatnið í pott og láta suðuna koma upp. Lykillinn að góðum grjónagraut (að mínu mati) er að gefa sér tíma í hann og elda hann frekar á vægum hita. Þessvegna hrærði ég sérstaklega vel í þessum og leyfði honum að malla í vatninu og saltinu þar til vatnið var orðið mjög lítið í pottinum, þá bætti ég við 2 dl af mjólk og lét hann malla áfram, ég gerði þetta semsagt þrisvar sinnum. þ.e lét hann verða mjög þykkann og bætti þá við 2 dl af mjólk.

Þetta er sirca þykktin sem ég leitaðist eftir áður en ég bætti við mjólk

Þá blandaði ég saman sykri, vanillu og kardimommu í skál og setti til hliðar

Þegar að mjólkin var búin og grauturinn orðinn vel þykkur setti ég rúsínur (algert smekksatriði hversu mikið), vanillu, sykur og kardimommur við grautinn og hrærði aðeins. Bætti þá við rjómanum og hækkaði aðeins undir honum og lét hann malla þar til hann varð aftur þykkur.

Mæli með að prufa þennan, hann var alveg mátulega sætur fannst mér en það er eflaust hægt að strá smá kanilsykri yfir hann. Mér finnst hann svo bestur með ískaldri mjólk og lifrapylsu on the side.

Emmý

Buddubrunch og mánudagsboozt

 Byrjum á booztinum sem ég gerði í morgun. Ég myndi segja að hann væri fyrir lengra komna en dásamlega góður og saðsamur engu að síður. 

Byrjaði á að gera safa, ég á í svo miklu ástar/haturs sambandi við safapressuna mína. Ég elska hana útaf lífinu en guð hvað mér finnst leiðinlegt að þrífa hana. Þetta tekur samt enga stund og í safann fór:

1/2 gúrka

1 lime

2 lítil epli

3 sellerístönglar

Grænkál (þetta er smekksatriði, grænkálið er frekar bragðmikið en það kemur lítill safi, ég tók blöðin af 3 stönglum og mér fannst það mjög mátulegt)

Á meðan að ég var að pressa lét ég möndlumjólk blandast, hún var svo þykk hjá mér að þetta var varla mjólk en í það fór

1 dl möndlur (sem voru búnar að vera í bleyti í 2 daga)

3 döðlur

1 dl vatn

Næst blandaði ég

Safanum

1/4 af gulri melónu

2 avókadóum

nóg af klökum

við möndlumjólkina, blandaði öllu saman og úr varð þessi gúrme, þykki ljósgræni drykkur

Þetta var nóg í tvö svona glös 

Annars fór ég í buddubrunch hjá Siggu í gær. Við tókum upp þann sið að hafa alltaf brunch einu sinni í mánuði og ég mæli sterklega með þessu. Það er alltaf jafn gaman og tíminn flýgur. Langaði að deila með ykkur nokkrum myndum

María og Gunnþórunn

Heimsins besta sultu/chutney sem ég hef smakkað. Tengdamamma Siggu býr það til úr chilli og rabbabara

Jón Jökull var ekkert að stressa sig

Glæsileg hostess

Nína

Yndislegur

Ágúst Þór dásamlegur

Meistaradrykkur

Í tilefni oktobermánaðar, nánar tiltekið meistaramánaðar gerði ég meistaradrykk/boozt í morgun og myndaði hann í bak og fyrir (það eru allir á facebookinu mínu svo duglegir að setja inn myndir af dugnaðinum að ég varð eiginlega að gera það líka)

Ég byrjaði að gera drykkinn kvöldið áður, þá lagði ég möndlur í bleyti eftir að hafa horft á innskot á mbl.is með Jóhönnu Vilhjálms ákvað ég að nota möndlumjólk sem grunninn í drykknum, HÉR geti þið séð hversu auðvelt það er að útbúa svoleiðis. Ég notaði hálfan bolla af möndlum og tvo bolla af vatni því ég vildi hafa hana þykka.

Ég skutlaði drekanum til dagmömmu í morgun og dró svo fram tvær uppáhalds eldhúsgræjurnar mínar... safapressuna og blandarann. Næst skar ég niður eftirfarandi:

1/4 af litlum rauðkálshaus
2 plómur
1 appelsínu
1/2 gúrku
1 öskju af bláberum (þurfti reyndar ekki að skera þau)

B-E-A-U-T-I-F-U-L

hráefnið sem fór í safann

Byrjaði á að pressa rauðkálið til þess eins að njóta þess að horfa á þennan fjólubláa lit

Næst setti ég bláberin í gegn og liturinn varð enn fallegri

Renndi restinni af hráefnunum í gegn og setti þetta allt saman við möndlumjólkina í blandarann. Bætti við
1 banana
1 tsk kókosolíu
1 bolla af frosnum berjum
Klökum

Þetta varð lokaútkoman, ég gerði vel af drykknum og fór með einn skammt til mömmu. Ég hugsa að þetta myndi auðveldlega duga fyrir 3-4

Kaupi þessi glös í bónus og ég elska þau

Emmý