Nektarínu og Mango chutney cupcakes

Það getur verið gaman að nýta það sem er til í ískápnum í bakstur, oft verða bestu uppskriftirnar til þegar að maður leyfir hugmyndafluginu að ráða en fyrr í mánuðinum gerði ég akkúrat það og til urðu þessar cupcakes. Ég ætla ekki að gerast svo djörf að segja að þetta séu bestu bollakökur sem ég hef gert en mér fannst þær virkilega góðar. í þær fór eftirfarandi:

110 gr smjör eða smjörlíki

200 gr sykur

2 egg

250 gr hveiti

1 tsk lyftiduft

vanilludropar

3 tsk mango chutney (ég nota ekki bitana, bara sultuna)

2 nektarínur

sítrónusafi

smá sykur

1 dl mjólk

1. skera niður nektarínur í litla bita, kreysta smá sítrónusafa og strá 1 tsk af sykri yfir þær, blanda saman og láta standa í smá stund í sér skál

2. Þeyta saman smjör og sykur

3. bæta við einu eggi í einu og hræra vel, þar til blandan verður létt og ljós

4. blanda saman hveiti og lyftidufti í aðra skál

5. hella helming af hveitiblöndu og mjólk útí og hræra 

6. hella restinni af hveiti, mjólk og mango chutney útí, hræra þar til allt hefur blandast saman (alls ekki hræra of lengi)

Þá setti ég rúmlega eina tsk sirca af deigi í hvert cupcake form, ég notaði svo puttana til að mynda smá skál úr deiginu (nauðsynlegt að hafa skál með vatni til að bleyta puttana í). Ég fyllti svo "skálina" með nektarínu blöndu (rúmlega 1 tsk) og setti svo aftur eina tsk af deigi yfir blönduna

skálin klár

búið að fylla

Þetta fór inní 180°c heitann ofn í sirca 15-20 mín.

Á þessar skvísur setti ég svo uppáhalds kremið mitt, þetta HÉR

Svona leit kakan svo út áður en ég setti á hana krem og skar hana, fullkomlega gullinbrún.

xox

Emmý

Bananabrauð með kanil fyllingu

Ég er mikill aðdáandi bananabrauðs, það er eitt það besta sem ég fæ.. sérstaklega með miklu smjöri, osti og kaffibolla. Ég hef smakkað margar mismunandi uppskriftir en prufaði í dag nýja uppskrift sem ég er ótrúlega ánægð með. Það smökkuðu nokkrir hjá mér sem voru líka á sama máli svo ég get mælt með þessu. 

BANANABRAUÐ

Í brauðið þarftu eftirfarandi:

250 gr hveiti

1 tsk matarsódi

1/2 tsk salt

1 tsk kanill

75 gr hrásykur

1/2 tsk lyftiduft

50 gr smjör við stofuhita

vanilludropar

50 ml mjólk

2 egg

3 bananar

Aðferð

1. Hræra saman hveiti, salt, matarsóda, kanil og lyftiduft í skál

2. Setja smjör við stofuhita í aðra skál

3. Bæta við hrásykri og hræra vel eða þar til blandan verður létt og aðeins ljósari (sirca 1 mínúta)

4. Eggin sett útí, eitt í einu og hrært mjöööööög vel á milli

5. Seinna eggið sett útí

6. Stappa saman bönununum, mér skilst að það sé algjört lykilatriði að hafa þá mjög vel þroskaða

7. Bönunum, mjólk og vanilludropum hrært varlega saman við eggja/sykur/smjör blönduna. Þurrefnunum er svo hrært rólega saman við og deigið ætti að vera hæfilega þykkt

8. Helmingur deigsins settur í brauðform og kanilsykri stráð yfir (ég setti sirca 3 msk) restinni af deiginu er helt í formið og þetta sett inní 180°c heitann ofn í 40-50 mínútur.

Komið úr ofninum, þessi kanilfylling gerði roooosalega mikið fyrir mig.

xox

Emmý

Grænkáls boozt og íspinnar

Ég sá svo fagur grænt og girnilegt lífrænt ræktað grænkál frá Sólheimum í Krónunni að ég varð að búa til boozt, hann var mjög saðsamur og ljúffengur.

Í hann fór:

klakar
1/2 box bláber
1/2 appelsína
1 stórt grænkálsblað
hreinn ananassafi
3 msk vanilluskyr
20 vínber
1 banani

Þetta fyllir auðveldlega þrjú glös

Svo er drekinn minn að fá framtennur, ein komin og næsta á leiðinni.. hann slefar eftir því og klægjar mikið. Því fannst mér tilvalið að gera frostpinna sem að kæla auma góma og ég nýtti  afganga af boozt hráefninu í þessa...

1/2 box bláber
10 vínber
1/2 appelsína
smá grænkál
1 msk skyr
1 msk hreinn ananassafi

Setti þetta í sniðug ísform sem ég fékk í IKEA (uppskriftin passaði akkúrat í 6) og nú bíður þetta inní frysti.

xox

Emmý

Anna Þóra og Andri

Ég átti svo fáránlega skemmtilegan dag í gær, fékk að vera með þessum fallegu brúðhjónum allann daginn. Ákvað að deila með ykkur nokkrum myndum...

Dásamleg fjölskylda

xox

Emmý

Flensubani

Ég fékk símtal frá vinkonu í morgun og hún tilkynnti mér að hún væri eitthvað slöpp svo ég ákvað að gera flensubanann minn sem að svínvirkar. 

Hann inniheldur
Engiferrót, hvítlauk, hunang, cayenne pipar og sítrónu. Magnið fer eftir því hversu sterkan drykk þú þolir en í þennan skammt setti ég:

750 ml vatn

2 sítrónur
7 cm engiferrót
2 hvítlauksrif
3 msk hunang
2 tsk cayenne pipar

Ég byrjaði á að setja 750 ml af vatni í pott og lét suðuna koma upp. Útí vatnið kreysti ég hvítlauksrifin og raspaði rúmlega helming af engifer rótinni. Eftir nokkrar mínútur bætti ég cayenne pipar við og leyfi þessu svo að sjóða í góðar fimm mínútur á meðan kreysti ég sítrónusafann. Þegar að blandan var búin að malla slökkti ég undir pottinum, og sigtaði gummsið frá vatninu. Þá bætti ég við hunanginu, sítrónu safanum og raspaði restina af engifer rótinni útí. 

Þetta má svo geyma í lokuðu íláti í ískáp í nokkra daga. Ég vil líka taka fram að þessi drykkur er rótsterkur :) Ég þurfti að neyða eitt staup ofaní Bjarka og það rann ekki ljúflega niður. Mér finnst þetta fínt, en ef þú ert ekki vön/vanur að drekka/borða mikið af engifer eða hvítlauk þá myndi ég prufa mig áfram!

xox

Emmý

Afmæliskökur

Ég gerði afmælisköku fyrir Rósu frænku mína í júlí og svo fyrir Morten bróðir minn í dag. Mig langaði til að skreyta báðar kökurnar í sterkum litum og hafa þær svolítið sumarlegar, þess vegna fór ég á netið og skoðaði myndir af allskonar kökum. Ef þig vantar hugmyndir af afmæliskökum, þá gætiru kannski haft gaman af þessari færslu.

Rósukaka

Kakan:

220 gr smjörlíki
400 gr sykur
500 gr hveiti
2 tsk lyftiduft
4 msk kakó
4 egg
1 dl mjólk
vanilludropar eftir smekk

Þetta er einfaldasta súkkulaðikakan mín og ég elska hana. Hún er fljótleg og mér finnst hún æði, ekki of sæt.. bara passleg.

Aðferð
Hræri saman sykur og smjörlíki í dágóða stund (þar til blandan verður fluffy og fín), bæti við eggjunum og hræri vel og lengi (þar til blandan verður ennþá meira fluffy), í aðra skál blanda ég saman hveiti, lyftidufti, og kakó. Bæti helmingnum af þurrefnunum við eggja/smjör/sykur blönduna ásamt hálfum dl af mjólk og hræri í smá stund. Bæti þá við restinni og blanda öllu saman. 

Þetta dugði í eitt Wilton kökuform (fékk mitt í húsasmiðjunni) og í lítið hringlaga form. Þetta bakaði ég við 180°c á blæstri í sirca 35 mín. Ég skar svo út úr hringlaga forminu stilkinn á blóminu og tvö laufblöð neðst.

Smjörkrem

200 gr smjörlíki
500 gr flórsykur
smáááá sítrónudropar
mjólk eftir smekk

aðferð

Blanda þessu öllu saman í hrærivél og hræri lengi (eiginlega því lengur því betra), hafði þetta á full speed í 4 mínútur minnir mig.

Ég skipti svo kreminu í 4 skálar og blandaði fjóra liti

Ég nota alltaf Wilton gel litina og í þessa köku notaði ég Rose í dökkbleika litinn, Leaf Green í græna litinn, Golden Yellow í þann gula og Pink í ljósbleika litinn.

Stútarnir sem ég notaði eru líka frá Wilton og heita
8B fyrir græna litinn
352 inní laufblöðin
230 fyrir útlínurnar
22 inní blómið

Svo notaði ég bara hníf til að setja kremið á hliðarnar.

Mortenskaka

Ég gerði alveg sömu uppskrift og setti hana í tvö hringlaga form og setti blandaða berjasultu á milli (það er líka mjög gott að stappa saman banana við sultuna). Ég gerði sama kremið en í staðinn fyrir sítrónudropa notaði ég vanillu og setti það í fjórar skálar.

Litirnir sem ég notaði heita Leaf Green, Royal Blue, Red Red, og Golden Yellow

Stútarnir sem ég notaði heita
22(gulur), 1M(blár), 1G(rauður), og 2C(grænn)

Morten var sáttur og sæll með kökuna og ég reyndar líka

xox

Emmý

Brúðkaup

Ég var svo heppin að fá að taka myndir af þessari fallegu fjölskyldu á laugardaginn. Brúðhjónin, veðrið, og náttúran skörtuðu sínu fegursta þennan daginn...

xox

Emmý