Banana cupcakes með karamellu kremi

Æi ég veit það er langt síðan að ég bloggaði, en í millitíðinni hef ég útskrifast úr háskóla, flutt heim til Íslands, og komið mér fyrir. Það er ljúfara en mig minnti að eiga heima á Íslandi. Tala íslensku, fá íslenskan mat, hafa fjölskylduna hjá sér, hafa vinina hjá sér og aftur tala íslensku.

Nú þegar að ég er búin að koma mér fyrir ætti ég að hafa meiri tíma til að sinna blessuðu blogginu, lofa því. Ég hélt kökuklúbb fyrir vinkonur mínar í síðustu viku og drullumixaði banana cupcakes með karamellu kremi sem allir voru rosa ánægðir með, hér kemur uppskriftin:

12 cupcakes

125 gr smjör

200 gr sykur

200 gr hveiti

1/2 tsk lyftiduft

2 egg

vanilludropar

50 ml mjólk

2 stappaðir bananar

Aðferð:

1. Þeyta saman sykur og smjör þangað til að blandan verður ljós

2. bæta við eggjum, vanilludropum og banana

3.setja öll þurrefni í skál og hræra saman

4. setja helming af þurrefnunum og helming af mjólk saman við smjörblönduna

5. hræra restinni saman við

Þær fóru inní 180°c heitann ofn í sirca 15 mín

Kremið var aðeins meira sans og ég man ekki nákvæmlega hvað fór mikið af hverju, ég smakkaði mig soldið til.

1. Ég þeytti saman 120 gr af smjöri, líklegast um 3 bolla af flórsykri, vanilludropa og 2 msk af mjólk þar til að kremið varð mjög fluffy. Gæti verið að þið þyrftuð að bæta við meira af mjólk eða flórsykri en það er gott að hafa það þykkt.

2. Ég hitaði 50 gr af suðu súkkulaði frá nóa siríus og lét kólna aðeins, hrærði það svo saman við kremið

3. Að lokum setti ég karamellu íssósu útí kremið, það hafa örugglega farið í kringum 5 msk. Ef þið viljið meira karamellu bragð er um að gera að vera ekkert að spara sósuna.

Það er mikilvægt að hræra það vel og lengi, þá verður það létt og gott.

Lofa góðu bloggi fljótlega

xox

Emmý

Gestabloggari vikunnar: Arnfinnur Teitur

Blogginu hefur borist uppskrift sem ég hef ákveðið að birta.

Höfundur er Arnfinnur Teitur Ottesen, matmaður, langhlaupari, og næringarfrumkvöðull.

Salat fyrir sálina:

Hráefni:

Salat no. one - Lolla Rossa & Batavia í beði frá Min Danske Gartner

Spergilkál (brokkolí) - Hrátt (fæði?)

Rauður Laukur (á litinn)

Chile Pipar - Þroskaður

Túnfiskur - niðursoðinn í járndós

Kofaostur

Egg - linsoðin gróf-skurnhreinsuð

Aðferð:

Skorin eru jafnstór stykki úr Salat no. one - Lolla Rossa & Batavia í beði frá Min Danske Gartner ca 50mm á breidd og 3 cm á lengd, sett á disk. 

Spergilkál er rifið niður í viðráðanlegar stærðir og dreift jafnt yfir salat no. one - Lolla Rossa & Batavia í beði frá MDG (MDG: stytting af Min Danske Gartner), sett á disk.

Rauður laukur skorinn milligróft niður og raðað snyrtilega yfir það sem fyrir er komið á diskinn (sjá ofan: Salat no. one og Spergilkál).

Þroskaður Chile Pipar er þverskorinn með jöfnum handtökum. Afrakstri dreift yfir disk.

Túnfiskur tekinn úr járndós og eru einu lagi af fiski smurt yfir grænmeti.

Kofaosti bætt við veisluna

Egg soðin í 3 min - látin snöggkólna í ísvatni - skurn fjarlægð eftir því sem kostur er.

Verði ykkur að góðu.

75 ára afmæli Icelandair

 Jæja, nú er ég búin með starfsnámið mitt hjá Icelandair. Síðasti dagurinn endaði á afmælishátíð sem Amsterdam skrifstofan hélt og vakti partýið mikla lukku. Matur frá bláa lóninu, úlfur úlfur kom og spilaði og allskonar skemmtilegt. Þetta er búin að vera frábær reynsla og ég á eftir að sakna allra á skrifstofunni, skal fúslega viðurkenna það að ég á ekki eftir að sakna þess að taka lestina milli Rotterdam og Amsterdam á hverjum degi!

Núna taka svo við 3 dagar af ritgerð og svo er ég komin í eitt stk langþráð sumarfrí. 

Þessir slógu heldur betur í gegn

Verið að taka á móti gestum, goody-bags og allskonar

DJ-Kalle

Ég á heldur betur eftir að sakna elsku Eline

Ein sem þurfti að tala hollensku

Úlfur Úlfur að draga út einn heppinn vinningshafa

Sáttur

Party time

Icelandair Team

xox

Emmý

Sumarmyndir

Nú er ég laus við ritgerðina í smá stund og herregud hvað það er gott. Ég eyddi helginni á Burgemeester í sól og sumaryl með fjölskyldunni og uppáhalds módelin mín fögnuðu sílærandi systur sinni. Hérna eru nokkrar sumarmyndir...

Það gerist ekki mikið betra, sól, sundlaug, og þessi módel

xox

Emmý

Mangó-Bláberja-Sítrónu Boozt

Byrjaði daginn á þessum...

2 Glös

300-400 ml bláberjasafi

1 mangó

1 lúka fersk bláber

1 lúka frosin bláber

2 lúkur spínat

safi úr 1 sítrónu

klakar

Nú hefjast maraþon skrif á Vegelins

xox

Emmý

Snúður

Ég byrjaði á því að nota heilhveiti í þessa snúða uppskrift (alltaf að prufa eitthvað nýtt sjáið til) en það gekk semsagt ekki, það deig endaði í ruslinu þannig að ég byrjaði uppá nýtt. Þið megið experimenta að vild með þessa uppskrift en ég bið ykkur um að nota venjulegt hveiti (örugglega hægt að nota fínt spelt líka). En þetta er allaveganna afrakstur dagsins:

Ég skoðaði heilann helling af uppskriftum á netinu og endaði svo á að gera þessa. Hún heppnaðist ótrúlega vel og var svona heldur stærri en ég gerði ráð fyrir (örugglega 30 snúðar). Í hana fór eftirfarandi:

800 gr hveiti

2 pakkar þurrger

100 gr hrásykur

2 tsk lyftiduft

2 1/2 dl mjólk

200 gr ósaltað smjör

1 dl vatn

vanilludropar

Aðferð:

1. Smjör, mjólk, vatn og vanilludropar hitað í potti þar til smjörið er bráðnað

2. Öll þurrefni sett í skál og blandað saman

3. Smjör/mjólkur/vatns/vanilludropa blöndunni blandað saman við þurrefnin og deigið hnoðað

4. Deigið látið hefast í klukkutíma

5. Þegar að deigið er búið að hefast í klukkutíma er því skipt í 4 búta

6. Hver bútur flattur út með kökukefli, þykktin fer eftir því hversu stórir snúðarnir eiga að vera

7. Smá smjör brætt í potti með 6 negulnöglum

8. Blanda kanil og sykri saman

9. Pennsla deigið með smjörinu og strá svo sykri yfir það

10. Rúlla upp deiginu og skera í bita. 

Ég pennslaði þá svo aftur með smjörinu og setti þá á pökunarpappír og inní 180°c heitann ofn (blástur) í 12 mínútur, 

Svona voru snúðarnir þegar að þeir komu úr ofninum

Svo er náttúrulega möst að setja smá súkkulaðikrem á þá.. í það fór eftirfarandi:

100 gr brætt smjör

300 gr flórsykur

50 gr kakó

vanilludropar

4 msk kaffi (eða tvær msk ef þú ert með espressó)

2 msk mjólk

Allt hrært saman

Þessar kíktu í snúðakaffi á Vegelins

xox

Emmý

Guðni Þór taka 2

Æ hann er svo yndislega bláeygður og fallegur, ég varð að pósta nokkrum í viðbót af Guðna Þór vini mínum...

Góða nótt!

xox

Emmý