Winter Wonderland

Það er ennþá vetur hér í Hollandi, svona ef þið voruð að velta því fyrir ykkur. -8°c í gær og við fjölskyldan skelltum okkur að sjálfsögðu á skauta. Hér eru nokkrar myndir frá gærdeginum.

Demi að æfa sig

Mjög basic að hafa með stól til að hvíla lúin bein

Þessir voru krúttlegir og settu upp smá varðeld á miðju vatninu

Heimsmálin rædd

Vinkonurnar Lente, Krissý og Demi

Ég hef engu gleymt síðan í skautahöllinni í Laugardalnum 1998

Bjarki Jens með sýningu

Við mamma prufuðum í fyrsta skipti að gera Roti, rétt frá Súrinam sem er í miklu uppáhaldi. Það var að sjálfsögðu allt fest á filmu svo ég lofa Súrinömsku bloggi í vikunni

xox

Emmý

Fljótlegt fimmtudags-pasta

Það er ekkert grín að vakna klukkan sex, eyða 2 tímum í lest yfir daginn, mæta svo heim og elda. En þetta venst nú allt saman, er orðin nokkuð fersk í strætó klukkan 07:00 allaveganna. 

Ég ætlaði alls ekki að gera blogg um þetta pasta en það varð alveg óvart svo gott þannig að ég tók nokkrar myndir. Mjög fljótlegt og ýkt gott í svona köldu veðri.

2 hvítlauksrif

1. rauðlaukur - skorinn smátt

1/2 púrralaukur - skorinn smátt

150 gr skinka - skorin í teninga

180 gr rjómaostur

120 gr hvítlauksostur

grænmetiskraftur

smá mjólk

salt og pipar

Grænmetið steikt uppúr smá olíu og smjöri og pastað soðið í potti. Þegar að grænmetið er orðið mjúkt bæti ég restinni við og setti svo smá mjólk útí til að þynna. Að lokum er öllu blandað saman og látið malla í nokkrar mín, bar þetta fram með hvítlauksbrauði, svona til að toppa hvítlauks-gleðina.

xox

Emmý

Ég sakna þín síðasta sumar...

xox

Emmý

Snjórinn sem kom 38 dögum of seint

Á þorláksmessu óskaði ég þess svo heitt að það færi að snjóa, ég var með heimþrá og í sáralitlu jólaskapi og mig vantaði snjó. Allt kom fyrir ekki og það var 12 stiga hiti á aðfangadag, frábært. Þegar jólin kláruðust varð ég spennt fyrir vorinu, lengri dögum og sól en það er greinilegt að veðurguðirnir eru alls ekki að hlusta á mig því áðan byrjaði að snjóa.

 Sem betur fer á ég suðusúkkulaði og mjólk

Jólakveðjur frá okkur á Vegelins

xox

Emmý

Inspired by Nings

 Nings er einn af mínum uppáhalds stöðum á Íslandi, og mig dreymir oft um rétt númer rétt nr 66 (extra sterkur), í dag þráði ég ekkert heitara þannig að ég bjó til Vegelins útgáfu af Nings rétti. 

Ég ætlaði að hafa engiferrót með en því miður var hún búin. Ef einhverjum langar að prufa þetta þá mæli ég með að steikja sirca 2 cm af raspaðri engiferrót með chilli-inu og hvítlauknum

Ég vil hafa grænmetið stökkt þannig að ég hitaði þetta í tæpar 5 mínútur

Svo var tekið spilakvöld með íslensku nammi, sem endaði vel fyrir Bjarka. 

Sem betur fer er ég ekki tapsár :)

xox

Emmý

Pizzan hans pabba

Föstudags/pizzu kvöld á Vegelins. Ég prufaði í fyrsta skipti minn uppáhalds pizzubotn sem ég fékk hjá pabba í sumar. Svona leit skvísan út þegar að hún kom útúr ofninum...

Hérna kemur svo uppskriftin

 

 

xox

Emmý