Ég kveiki á kerti...

Það hefur verið kveikt á kerti hér á Vegelins bæði í gær og í dag. Því miður kvaddi yndislegur fjölskylduvinur þennan heim eftir stranga baráttu við krabbamein. Steini var einstakur og brosmildur maður og ég mun alltaf minnast hans.  Ég votta Önnu Elínu, Magnúsi, Unni og Teit mínar dýpstu samúðarkveðjur og bið Guð um að gefa þeim styrk. Ég vil enda þessa færslu á fallegum orðum sem Jófríður frænka mín skrifaði á facebook.

Loforð Guðs

Ég hef aldrei lofað að brautin sé bein

og gullskrýddir vegir alla leið heim.

Ég get ekki lofað þér gleði án sorgar,

á göngunni til himinsins helgu borgar.

En lofað ég get þér aðstoð og styrk,

og alltaf þér ljós þó leiðin sé myrk.

Mundu svo barn mitt að lofað ég hef,

að leiða þig sjálfur hvert einasta skref.

xox

Emmý

Jarðaberja/kókos/súkkulaði cupcakes

Á morgun er fyrsti dagurinn minn hjá Icelandair í Amsterdam og ég er spennt. Fékk tækifæri til að taka starfsnámið mitt hjá þeim, svo mun ég skrifa bachelor ritgerðina mína samhliða starfsnáminu. Mér fannst ég þurfa að skella í eina cupcakes uppskrift til að mæta með fyrsta daginn og það voru jarðaberja/kókos/súkkulaði cupcakes sem urðu fyrir valinu.

Þegar að ég var yngri þá smellti mamma oft í einhverskonar marengs, jarðaberja köku sem var í algjöru uppáhaldi hjá frumburðinum, ég ákvað að búa til cupcakes útgáfu af þessari frábæru uppskrift og hún heppnaðist virkilega vel, eiginlega svo vel að ég fékk smá nostalgíu kast þegar að ég smakkaði eina áðan.

Í 12 cupcakes þarftu eftirfarandi:

80gr smjör

4 eggjahvítur

40gr flórsykur

60gr hveiti

2 eggjarauður

55gr kókosmjöl

1/2 suðusúkkulaði plata

1. ég byrjaði á að bræða smjörið yfir vatnsbaði

2. Stífþeytti eggjahvítur og bætti flórsykrinum rólega við

3. 1/4 af eggjablöndunni settur útí brædda smjörið og hrært varlega með sleif

4. Eggjarauðunum bætt við og hrært rólega þangað til að allt var mixað saman

5. hveiti, kókos og súkkulaðibitum hrært saman

6. Öllu hrært saman MJÖG rólega, þangað til að allt er vel blandað

7. Sett í 12 cupcakes form

8. Inní ofn í sirca 15 mín á 180°c

Kremið var sáraeinfalt. 250ml þeyttur rjómi og ein dós af niðursoðnum jarðaberjum. Byrjaði á að taka safann af jarðaberjunum og þurkaði þau með eldhúsbréfi. stappaði þeim svo saman. Pískaði rjómann með smá flórsykri útí og bætti svo jarðaberjunum við.

Skreyttar með smá suðusúkkulaði

xox

Emmý

Salsa Ýsa

Þennan ýsurétt gerði ég fyrr á árinu (og þarf að fara að gera aftur því hann var good), uppskriftina fékk ég upprunalega á cafe sigrún (www.cafesigrun.com) en ég breytti nokkrum hlutum. 

450 g ýsuflök, roðflett og beinhreinsuð
100 g magur ostur, rifinn
4 dl salsa (sjá uppskrift að neðan)
1 tómatur, skorinn í þunnar sneiðar

Salsa
1 hvítlauksgeiri, saxaður smátt eða maukaður
1/2 rauður chili pipar, fræhreinsaður og saxaður smátt
2 vorlaukar sneiddir í mjóar sneiðar.
2 tsk agave síróp
Safi úr 1 lime
5 vel þroskaðir tómatar, fræhreinsaðir og saxaðir mjög smátt
1 tsk ólífuolía
0,25-0,5 tsk tabascosósa 
2 lúkur ferskt coriander

1. Afhýðið og merjið eða saxið hvítlaukinn, fræhreinsið chili piparinn og saxið smátt, sneiðið vorlaukinn (bæði græna og ljósa hlutann) í mjóar sneiðar, skerið tómatana í hálft og skafið innan úr þeim, saxið tómatana mjög smátt, saxið corianderlaufin smátt.
2. Blandið saman í skál og bætið agavesírópi, ólífuolíu, límónusafa og tabascosósu saman við.
Geymið í kæli þangað til á að nota salsað. Það er mjög gott að láta það marinerast í klukkutíma.

3. Ýsuflök skorin í nokkra stóra bita

4. Ýsan sett í eldfast mót

5. salsanu helt yfir

6. tómatsneiðar lagðar yfir salsað

7. rifinn ostur settur yfir

8. hitað við 200°c í 20 mín

Bar þetta fram með grjónum og afgang af grænmeti, rosa rosa rosa gott

xox

Emmý

AfmælisCupakes fyrir Krissý

Þessar voru gerðar þegar Krissý litla varð 8 ára. Ég gerði hvorki meira né minna en 65 stykki.

Einföld uppskrift fyllir 12 cupcakes form og í hana fer eftirfarandi:

12 Súkkulaði Cupcakes

175 gr hveiti
175 gr sykur
113 gr smjör
3 tsk vanilludropar

50 gr kakó

240 ml vatn

1/4 tsk salt

2 tsk lyftiduft

2 egg

1. Hrærði saman smjör og sykur þangað til að blandan varð ljós

2. leysti kakóið upp í sjóðandi vatninu og lét kólna

3. hrærði eggjum við smjörið/sykurinn, eitt í einu

4. bætti við vanilludropum og hrærði

5. siktaði hveitið, saltið og lyftiduftið saman og bætti við blönduna og hrærði aðeins

6. bætti við kakóinu eftir að það var kólnað og hrærði.

Kremið var auðvelt og gott

100gr smjör

100 gr rjómaostur

3 tsk vanilludropar

flórsykur

Hrærði öllu saman með handþeytara, ég man ekki hvað ég setti mikinn flórsykur. líklegast í kringum 250 gr eða þangað til að kremið verður hæfilega þykkt

Indversk veisla

Það var maraþon eldamennska hjá okkur Mömmu og Brilla á Burgemeester í gær. Eyddum dágóðum part af deginum (öllum deginum) í eldhúsinu og buðum svo uppá eðal indverska Þrettánda veislu (er ekki annars þrettándinn haldinn hátíðlega 7.jan á Indlandi?)

Boðið var uppá samtals 10 uppskriftir og þó ég segi sjálf frá þá voru þær mjög góðar. Þetta eru allt frekar stórar uppskriftir. Það voru 7 fullorðnir og 2 börn í mat og við pössum alltaf uppá að elda það mikið að við getum borðað þetta í tvö daga (flest allt er nefninlega ekki síðra daginn eftir).

Þetta verður líklegast mitt lengsta blogg hingað til en ég vona að þið hafið gagn og gaman af

Frumburðurinn búin að setja á sig svuntu með íslenska skjaldamerkinu og klár í eldamennskuna

Brilli tók Den Haag djamm á föstudaginn og var heilsan eftir því á laugardeginum. Hún svaf af sér mest alla eldamennsku en mætti fersk í mojito gerð um fimm leytið. Brilli klikkar aldrei

Tikka Masala

3 hvítlauks rif

2 rauðlaukar

3 papríkur (allir litir)

3 tómatar

2-3 cm engiferrót

1/2 rauður chilli pipar

1 kg kjúklingabringur

250 ml Tikka Masala Indian Curry paste

400 ml mjólk

200 ml hrein jógúrt

1. Skera niður allt grænmetið og kjúklinginn í bita (skárum hverja bringu í sirca 10 bita)

2. chilli, hvítlaukur og rauðlaukur steiktur uppúr olíu á wok pönnu (eða í potti) þangað til að laukurinn varð mjúkur

3. Restinni af grænmetinu bætt útí ásamt dassi af soja sósu. Látið malla í sirca 5 mínútur

4. Kjúklingabitum bætt við og látið malla þar til kjúklingurinn hefur lokast

5. Tikka Masala paste blandað saman við

6. Mjólk bætt útí og allt saman látið malla í 15 mínútur

7. Hreint júgúrt sett útí og látið malla í 5 mínútur

8. Skreytt með ferskum kóríander áður en þetta er borið fram

Svona leit grænmetið út skorið og svo steikt

Gúrme kjúklingaréttur sem er alls ekki verri daginn eftir

Indverskar kjötbollur

Mamma og Dísa gerðu Indverskar kjötbollur daginn áður og ég get hiklaust mælt með þeim. Þessi uppskrift er fyrir 1.kg af hakki og það eru sirca 40 bollur í golfkúlu stærð.

1 kg hakk

2 stórir rauðlaukar

3 hvítlauks rif

1/2 rauður chilli pipar

1 lúka ferskt kóríander

2 cm engiferrót (röspuð)

2 egg

1dl hot tómatssósa

4 grófar brauðsneiðar

2 tsk karrý

1 tsk garam masala

1 tsk kóríander duft

1 tsk papríku krydd

1 tsk turmeric

3 tsk cumin

salt og pipar eftir smekk

1. Laukur, hvítlaukur, chilli, kóríander og engifer sett í mixer og allt maukað

2. Brauðsneiðar (betra að hafa þær þurkaðar) settar í blandara

3. Öllu hráefni blandað í stóra skál og mixað mjög vel saman með höndunum

4. Bollur mótaðar (golfkúlustærð)

5. Settar inní ofn á bökunarpappír í 20 mínútur við 200°c

Kókos/Hnetu sósa

Þessa sósu höfum við alltaf með kjötbollunum og hún vekur alltaf lukku

1 1/2 msk karrýmauk (red curry paste)

2-3 cm engiferrót (röspuð)

7 tómatar (skornir í teninga)

1 dós kókosmjólk

3 tsk púðursykur

1 dl cashew hnetur (saxaðar með töfrasprota)

1. Karrýmauk og engiferrót hitað á pönnu í sirca 2 mínútur

2. Tómötum bætt við og látið malla í sirca 4 mínútur

3. Hella kókosmjólk útí og blandan er látin sjóða í 5 mínútur (hræra reglulega í)

4. Bæta kjötbollum útí og sjóða í 15-20 mín

5. Púðursykri og hnetum er svo bætt við í lokin og hrært vel í

Indversk ýsa

800 gr ýsa

1 tsk chilli krydd

1/2 tsk pipar

1/2 tsk salt

3 tsk turmeric

1 tsk karrý

2 tsk kóríander duft

3 msk ferkskur kóríander (saxað)

1 1/2 bolli Gram Flour

1 rautt chilli (saxað)

1 1/2 bolli vatn

3 msk brauðmylnsa (sirca 2 brauðsneiðar)

1. Skera fisk í bita og nudda honum uppúr turmeric kryddi og salti. Láta marinerast í 20 mínútur

2. Setja restina af hráefninu í skál og hræra vel. Þá á þetta að vera aðeins þynnra en orly deig. Gætuð þurft örlítið meira Gram Flour eða vatn.

3. Djúpsteikið í sirca 4-5 mínútur og leggið á eldhúspappír

Með fiskinum bárum við delicious mangó sósu sem við prufuðum í fyrsta skipti og hún verður örugglega prófuð aftur 

Mangó sósa

2 msk safi úr lime

2 hvítlauks rif

1 þroskað mangó

1 dl hrein jógúrt

1 tsk rifinn engiferrót

1. Allt saman sett í mixer og blandað vel

2. Til að þykkja sósuna, stappa saman við einni dós af sýrðum rjóma

Kartöflurnar hennar Svöbbu

Þessa uppskrift fékk mamma frá Svöbbu vinkonu sinni fyrir 12 árum og ég hef ekki tölu á hversu oft hún hefur verið búin til síðan þá. Einföld og ógeðslega góð.

 

500 gr kartöflur (forsoðnar) eða skornar í teninga

5 tsk karrý

300 ml kotasæla

3 msk sweet mango chutney

1. Setja olíu á pönnu og bæta karrýinu við, blanda vel

2. Steikja kartöflur uppúr olíunni þar til þær verða stökkar að utan

3. kotasælu og mango chutney blandað saman í eldfast mót

4. Kartöflunum blandað saman við

5. Hitað í ofni á 180°c í sirca 20 mín

Við prufuðum að gera kartöflu klatta í fyrsta skipti og þeir heppnuðust mjög vel. 

Aloo Masala klattar ala Burgemeester

500 gr kartöflur

1 rauðlaukur (mjög smátt skorinn)

1 lúka ferskur kóríander (saxaður)

1 tsk salt, 1 tsk pipar

1/2 bolli sýrður rjómi 

2 hvítlauks rif (pressuð)

1/2 tsk red curry paste

3 tsk hveiti

1 tsk kóríander duft

1 tsk karrý

sesamfræ

1. Sjóða kartöflur, kæla og mauka

2. Hræra saman sýrðan rjóma, red curry paste og hvítlauk og setja afsíðis

3. Blanda öllu hráefni saman í skál ásamt sýrða rjóma blöndunni og hræra vel saman

4. Búa til rúllu úr deiginu og skera í sirca 10-12 bita

5. Móta klatta úr hverjum bita og velta uppúr sesamfræjum

6. Steikja klattana á pönnu í nokkrar mínútur á hvorri hlið

7. Setja nokkra dropa af sweet mango chutney á hvern bita áður en borið er fram

Hnetu salsa

Þetta salsa/salat er ótrúlega ferskt og passar vel með öllum réttunum.

100 gr saltaðar cashew hnetur

125 gr saltaðar jarðhnetur

1 saxaður rauðlaukur

1 stór saxaður tómatur

1/2 rautt chilli, saxað

2 msk smátt saxað ferskt kóríander

safi úr tæplega 1/2 sítrónu

3 msk sweet mango chutney

salt

Allt sett í skál og blandað vel saman.

Fyllt egg

Þessi réttur er algjörlega ómissandi ef þú ætlar að halda indverska veislu.

10 harðsoðin, köld egg

2 msk majones

2 msk sweet mango chutney

1/2 tsk dion sinnep

1 tsk karrý

salt og pipar eftir smekk

Rauð papríka, söxuð

Möndlur, saxaðar

1. Harðsoðnu eggin skorin til helminga og rauðan tekin úr og sett í skál

2. Raða hvítunni í fat/bakka

3. Hræra saman restinni af hráefninu með töfrasprota eða í blandara.

4. Krydda með salti og pipar eftir smekk

5. Eggin fyllt með blöndunni, rúmlega 1 tsk í hvert egg

6. Rauðu papríkunni og möndlunum stráð yfir

Heimagert Naan brauð með hvítlauk og kóríander

Þessi uppskrift gerir 8 naan brauð.

500 gr hveiti

3 tsk sykur

2 tsk salt

1 tsk lyftiduft

220 ml mjólk

4 msk olía

1 lúka ferskur kóríander

2 hvítlauksrif (söxuð)

1. Þurrefnin siktuð í skál

2. Mjólkin og olían hrærð saman

3. Blanda saman þurrefnum og vökvanum og hræra

4. Gætir þurft að bæta við meira hveiti til að fá gott deig

5.Hnoðar deigið

6. Deigið sett í skál með volgu viskustykki yfir og látið bíða í 20 mín

7. Gerið pylsu úr deiginu og skiptið því í 8 bita

8. Mótar brauðin og setur þau á bökunarpappír

9. Hitar brauðin í grill ofni (250°c), 5 mínútur á hvorri hlið 

10. Blandar saman 4 msk af olíu, hvítlauknum og kóriandernum (betra að láta standa í smá tíma)

11. Penslar brauðin þegar að þau koma úr ofninum með olíunni

Raita Sósa

Raita sósan fullkomnar svo veisluna og er lang best útá grjónin.

4 dl hrein jógúrt

1/2 gúrka (mjög smátt skorin)

1 rauðlaukur (mjög smátt skorin)

cayenne pipar á hnífsoddi

1 msk sykur

Öllu blandað í skál og gott að láta hana standa í kæli í nokkra tíma áður en hún er borin fram

Borðið klárt

Góðir gestir í mat

Ásthildur kom svo með frábæran desert. Hvítt súkkulaði múss með grísku jógúrti og jarðaberjum

xox

Emmý

Loforð

Ég er svo södd... Lofa indverska hátíðar blogginu á morgun

xox

Emmý

Bryndís Ottesen taka 2

Hún er svo einstaklega fótógenísk að það er ekki venjulegt. Þess vegna gat ég ekki staðist það að vinna nokkrar myndir í viðbót síðan í myndatökunni okkar um daginn. Volume 1 getur þú séð HÉR

Svo lofa ég indversku bloggi annað kvöld

xox

Emmý