Sesamkjúklingasalat

Gerði þetta salat fyrr á árinu og það var ljúffengt. Uppskriftina fékk ég á PRESSUNNI

Uppskrift fyrir 3-4

500 g kjúklingabringur

2 dl sesamfræ

1 egg

Kryddið vel með reyktri papriku og Maldon salti

Olía til steikingar

Skerið kjúklingabringurnar í hæfilega munnbita. Þeytið eggið í skál og veltið kjúklingnum upp úr

egginu. Hitið pönnuna og setjið á hana olíu. Veltið kjúklingnum upp úr sesamfræjum, setjið á pönnuna og steikið á öllum hliðum. Kryddið með reyktri papriku og Maldon salti. Þegar búið er að steikja kjúklinginn er hann tekinn af pönnunni og settur til hliðar. Leyfið sesamfræjunum sem ekki náðust að haldast utan á kjúlingnum að fljóta með því þau gefa salatinu gott bragð.

Lárperumauk
1 lárpera
1 vel þroskaður tómatur, smátt skorinn

½ rauðlaukur, smátt skorinn
2 hvítlauksrif, marin og smátt söxuð
1 tsk kóríander
safi úr ½ límónu
smá salt

Allt stappað saman og látið standa í smá stund.

Tómatasalsa

3 vel þroskaðir tómatar
½ rauðlaukur
1 msk ólífuolía
2 hvítlauksrif, smátt skorin
handfylli fersk basilíka, smátt skorin
Smá salt

Allt sett í skál og blandað vel saman.
Best er að raða salatinu á diska fyrir mannskapinn. Setjið rúmlega handfylli af fersku spínati á disk. Setjið tómatsalsa yfir spínatið. Nú ætti kjúklingurinn að vera orðinn stofuheitur og hann er settur út á ásamt sesamkurlinu. Því næst er lárperumaukið sett yfir.

Ég setti reyndar smá mexíkanskt krydd á kjúklinginn líka..... bon appétit :)

xox

Emmý