Mánaðar gamall

Í dag er prinsinn minn mánaðar gamall, alveg skuldlaust besti mánuður sem ég hef lifað hingað til! 

Ég ætla að reyna að taka alltaf myndir af honum átjánda hvers mánaðar, hér eru nokkrar úr fyrstu myndatökunni.

Þessi myndataka byrjaði frekar erfiðlega

Svo varð hún bara næs

Verið að tékka hvort það sé brjóst þarna einhverstaðar

Pós

xox

Emmý

Mamma

Nú hef ég tekið mér tæplega 2 mánaða bloggpásu. Í bloggpásunni afrekaði ég það að koma fullkomnum og yndislegum prins í heiminn. Hann fæddist 18.september og ég get alveg fullyrt að þetta er það ótrúlegasta og yndislegasta sem ég hef nokkurtíman gert. Prinsinn minn fékk nafnið Ólafur Dór og hann er það fallegasta sem ég hef séð og ég er alveg viss um að hann sé besta barn sem hefur fæðst í þennan heim :)

Ég fer hægt og rólega að detta aftur í blogg gírinn og lofa humar-pizzu-bloggi á næstu dögum, 

Nokkrum dögum áður en Ólafur Dór kom í heiminn

Fallegastur af öllum

Duglegur

Stórmerkilegt dót

Ný kominn heim af spítalanum

Það allra allra allra besta

xox

Emmý

Haukur Óli Stúdent

Tók nokkrar myndir á föstudaginn af nýstúdentnum og frænda mínum honum Hauki Óla. 

Haukur Óli og Ása Katrín

Stórfjölskylda

Ása Katrín

xox

Emmý

Day at the beach

 Í dag kíkti ég aðeins á Langasand með van den Berg systrum. Gúrme veður, falleg strönd og tvær mjög sætar sem pósuðu fyrir systir sína...

Stilltar og prúðar

Ólétt í viku 35

Þessi tók smá lögn í góða veðrinu

Demilicious

xox

Emmý

Allskonar myndir

Þetta sumar er búið að vera svo ótrúlega næs, búin að koma mér fyrir, ferðast, hvílast og gera það sem mér þykir skemmtilegast. Ég er búin að fá að taka helling af myndum af fallegu fólki og ennþá fallegri börnum, ákvað að deila nokkrum með ykkur...

Una og Addi giftu sig 21. Júlí. Vikuna fyrir brúðkaupið var sól og blíða, á laugardeginum spáði hins vegar stormi. Ég krosslagði fingur um að það myndi ekki rigna á þau í myndatökunni og sem betur fer kom ekki einn einasti dropi

Yndisleg

Ég held þær gerist ekki mikið fallegri

Brúður

Þetta er hún Anna Lea sem er orðin 1.árs

1.árs rúsína

Þetta er svo Árný Lea, ég skemmti mér konunglega við að mynda hana uppí Skógrækt um daginn

Halldór Elí, bláeygður og algjört módel

Fallega Þórdísin mín, við fórum uppí skógrækt að taka nokkrar myndir áður en baby kemur

Rúrik Salvarsson, lá og pósaði fyrir mig í heilar 30.mín

Þessa pósu ákvað hann að koma með alveg sjálfur

Eyrún og Birkir giftu sig 28.júlí í sól og blíðu

Hallur Hrafn bjútí, ég gæti eiginlega borðað þessar kinnar

Í kvöld ætla ég svo að fá nokkrar fabulous í mat á Asparskógana, ég ætla að bjóða uppá Indverska veislu. Þið getið fundið allskonar Indverskar uppskriftir HÉR

xox

Emmý

Banana cupcakes með karamellu kremi

Æi ég veit það er langt síðan að ég bloggaði, en í millitíðinni hef ég útskrifast úr háskóla, flutt heim til Íslands, og komið mér fyrir. Það er ljúfara en mig minnti að eiga heima á Íslandi. Tala íslensku, fá íslenskan mat, hafa fjölskylduna hjá sér, hafa vinina hjá sér og aftur tala íslensku.

Nú þegar að ég er búin að koma mér fyrir ætti ég að hafa meiri tíma til að sinna blessuðu blogginu, lofa því. Ég hélt kökuklúbb fyrir vinkonur mínar í síðustu viku og drullumixaði banana cupcakes með karamellu kremi sem allir voru rosa ánægðir með, hér kemur uppskriftin:

12 cupcakes

125 gr smjör

200 gr sykur

200 gr hveiti

1/2 tsk lyftiduft

2 egg

vanilludropar

50 ml mjólk

2 stappaðir bananar

Aðferð:

1. Þeyta saman sykur og smjör þangað til að blandan verður ljós

2. bæta við eggjum, vanilludropum og banana

3.setja öll þurrefni í skál og hræra saman

4. setja helming af þurrefnunum og helming af mjólk saman við smjörblönduna

5. hræra restinni saman við

Þær fóru inní 180°c heitann ofn í sirca 15 mín

Kremið var aðeins meira sans og ég man ekki nákvæmlega hvað fór mikið af hverju, ég smakkaði mig soldið til.

1. Ég þeytti saman 120 gr af smjöri, líklegast um 3 bolla af flórsykri, vanilludropa og 2 msk af mjólk þar til að kremið varð mjög fluffy. Gæti verið að þið þyrftuð að bæta við meira af mjólk eða flórsykri en það er gott að hafa það þykkt.

2. Ég hitaði 50 gr af suðu súkkulaði frá nóa siríus og lét kólna aðeins, hrærði það svo saman við kremið

3. Að lokum setti ég karamellu íssósu útí kremið, það hafa örugglega farið í kringum 5 msk. Ef þið viljið meira karamellu bragð er um að gera að vera ekkert að spara sósuna.

Það er mikilvægt að hræra það vel og lengi, þá verður það létt og gott.

Lofa góðu bloggi fljótlega

xox

Emmý